5 sept. 2013

Naufraxos

L'aire picudo. Les enxeves del horizonte y los sos caniles. La solombra metálica de cada nueche. La distancia que lo arregalla too. El fósil de dalgún suañu qu'arreciende a salitre.

Too eso y non otra costume na qu'empozar la vida. Naufraxos toos.

16 jul. 2013

apariar

apariar: v. Apareyar paries o arrexuntar xente paria (Conozo una pareya d'asturianos probes qu'apariaron pa compartir gastos y probitú nel Reinu Xuníu) . 2 Amparar paries [un país por culpa d'otru del qu'emigren persones echaes polos políticos corruptos] (Munchos países del norte d'Europa y América Llatina tán apariando xente d'España).

[Más aceiciones encamentaes a l'ALlA pa la so inclusión nel so próximu Diccionariu de la Llingua Asturiana pues atopales na categoría Diccioesfoyaza]

8 may. 2013

Poema que nun recuerdo

Ente la nada y l'átomu habita'l suerbu del destín. Na mortalidá de lo vencío parola'l sudu del silenciu y calla la distancia'l so llargor impronunciable.

Neses ruines entovía les áscuares conocen el mio nome. Son estes cenices la mio saliva pasao y un poema que nun recuerdo.

29 ene. 2013

revolición, la

revolición, la: sust. Cambéu [bruscu y violentu nel actu de voluntá política d’un país] (Dalgún día habrá una revolición n'Asturies y la xente político dexará d'enchufar a collacios, robar y pensar namás que nel so culu).

[Más aceiciones encamentaes a l'ALlA pa la so inclusión nel so próximu Diccionariu de la Llingua Asturiana pues atopales na categoría Diccioesfoyaza]