27 may. 2010

Silenciu

El silenciu ta fechu de vaciu. A costafecha pa fundise a lo callandino na solombriega zuna de lo que nada nun dice. Un furacu muertu baxo la nada, la ferralla mudo de l'ausencia onde añera la voz parao.


Atalantái, sicasí, que'l silenciu ye tamién un cavilgu. Y dacuando una respuesta, gociosa como la vida, pa quien sepa escuchar.

6 comentarios:

  1. El Xanu\'l Caborniu28/5/10 15:34

    Dacuando val más tar callaos qu'echar los burros... digo la llingua a pacer.
    Un saludu candial.

    ResponderEliminar
  2. Veo que pescanciasti lo que quería dicir ;) Saludos candiales, xanu.

    ResponderEliminar
  3. VeritasEtSeveritas4/6/10 12:22

    Pero nun ye la única llectura que tien esti testu, col que me siento mui identificáu no estético.
    Por cierto, Ricardo: norabona pol premiu l'Academia :)

    ResponderEliminar
  4. El Xanu\'l Caborniu5/6/10 9:31

    Cóime, que m'enteré de lo del premiu que menciona Veritas dempués de dexate'l comentariu. ¡Norabona y merecíu!.

    ResponderEliminar
  5. Tienes razón, VeritasEtSeveritas, nun ye la única llectura. Tan valida ye la to llectura que la mía que la de cualquiera. Ye lo que tien lo lliterario (si ye que lo qu'escribo cai nesi caxón), que ye más del llector que del escritor.
    Y, compañeros, gracies enforma pola norabona. Lo de "merecíu" nun sé yo, siempre dixi que la camisa de "poeta" quédame un poco grande. Sicasí, gracies. Ciertamente, nun m'esperaba la vuestra norabona pero prestóme pola vida ;)

    ResponderEliminar
  6. Pola presente, convídote a la espublización nel blog d’un llibru que va podese lleer de baldre. Trátase de “Orbayu Seco”, un llibru de 101 microrrellatos, dos d’ellos espublizaos pola Acadamia de la Llingua Asturiana na so revista Lliteratura, y va facese’l 21 de xunu. Hasta entós, fáese una cuenta atrás espublizando un microrrellatu por día nel blog. Espero que te preste y que lo espardas.
    Blogsaludos

    ResponderEliminar