5 ene. 2010

Vivo nun requexu

Vivo nun requexu, que ye dicir vivir nun quexu una y otra vuelta. Quéxome y mexo ¿qué? Naide sabe porque ensin camín, nun hai sebe onde esparder les agües menores. Y cuando nun hai prehistoria, la historia nun tien oficiu nin beneficiu.


Lo meyor ta por saber. Nesti requexu espero la sabencia.

3 comentarios:

  1. El Xanu\'l Caborniu6/1/10 7:03

    La prehistoria y la historia son l'alcordanza. Falseales o esborriales son les dos estratexes p'acabar con ella.

    ResponderEliminar
  2. VeritasEtSeveritas6/1/10 8:36

    El tema ta perclaru, a estes altures: El gobiernu FSA tien un pactu tapecíu con empreses eléctriques multimillonaries (o lo que ye lo mesmo, eses empreses controlen el gobiernu). Acordaron convertir Asturies nun polígonu industrial masivu de centrales térmiques, ciclu combináu, hidroeléctriques, eóliques, etc. Pa sacar les perres -vendiendo la electricidá fuera- prometieron-yos a les empreses autopistones d'alta tensión -Lada/Velilla- y carta blanca n'estudios d'impactu ambiental.
    Porque ellos tamién lo tienen claro: la vida ye mui corta. Tamos equí 2 díes, y hai que fartase y vivir. La historia, les piedres, la natura y la población asturiano nun puen ser torga pa la so riqueza económica personal, que vien d'esti espoxigue teunolóxicu.
    Pero nun tienen tol tiempu del mundu pa facelo. Cuasi quemaron dos llexislatures nel intentu, y nun fueron a dexalo too marrao. Agora tienen a IX pel gargüelu (en dómina de crisis económica, un partíu en crisis ideolóxica como IX nun pue permitise que la población lu vea como factor d'engafamientu económicu, nun sofitando los presupuestos xenerales, por exemplu) y adomada dafechu. Quéden-yos namás dos años de poder y les prósimes eleiciones nun pinten tan gayoleres. Ye'l momentu y van dir a muerte.
    La resistencia a esti réxime tien que tar al altor, escomenzando pol nacionalismu asturianu, pola xente crítico de IX y PP -si esiste- y siguiendo pola movilización civil. De mano tenemos que marcar finxos innegociables: Caliao ENXAMÁS.

    ResponderEliminar
  3. Claro que sí, xanu. Escaecer o manipular la historia ye l'entamu de la muerte, ye como corta-y los raigaños a una planta.
    Lo que camientes, VeritasEtSeveritas, suscríbolo al cientu por cientu.
    Gracies por afayavos nesti requexu.

    ResponderEliminar