11 jun. 2008

Los domingos

Hai tardes de domingu que faen rebusquinos como formiguines pela espalda. Y un gociu rescampla porque orbaya. La humidá caltria pelos suaños pa refrescar la vida.


Pero ye lo malo de los hipócrites, que suelen ser domingueros que fadian hasta tocar el conteníu del ñeru qu'arrecostino ente les piernes. Y queden más panchos que dios.


Va tiempu que los siete díes de la selmana son domingos. Y los xardineros tocándome'l ñeru. A min y a tantos otros.

2 comentarios:

  1. AC ARRIBADA20/6/08 5:00

    Estimáu amigu, viendo que da usté un apoyu a les aiciones d'Inaciu Galán, ensin tener contrastao los fechos, queremos indica-y que lo dicho por esti señor NUN SE CORRESPUENDE COLA REALIDÁ. Reenviamos-y la respuesta a una pregunta sobre'l tema espuesta nel nuesu blogue.
    Ateyavana — 19-06-2008 - 21:04:14 GMT 1
    Una entruga: ¿ye verdá lo que cuenta Naciu Galán nel so blog? ¿Nun vais face nengún comentariu?
    Salú.
    ARRIBADA — 19-06-2008 - 22:16:59 GMT 1
    Nun hubo nengún aconceyamientu de la Xunta Directiva de l'asociación onde se tratara'l tema que menciona Inaciu Galán, polo que nun tien base la so afirmación de "La razón de la mio dimisión nun ta encontada más que nunca causa, la decisión tomada pola mayoría de la organización de nun tomar nenguna midida disciplinaria". Polo tanto, tampoco nun hai nengún acta onde s'espeye esti tema. Como indicamos nel post, el prósimu aconceyamientu ye pal viniente miércoles.
    D'otra manera, nel momentu qu'Inaciu Galán publica un artículu de la so esclusiva responsabilidá nun diariu dixital asturianu, Xosé María Vega Blanco yá nun yera miembru de la nuestra asociación.
    L'interés de la nuestra asociación ye trabayar con seriedá, con maurez, con criteriu, pol prestixu social de la nuestra lliteratura y de la nuestra llingua. El nuestru oxetivu ye'l bien del nuestru país. L'enclín ayenu al bien de la nuestra asociación, o al bien del nuestru país, nun tuvo, nin tien, nin tendrá abellu ente nós

    ResponderEliminar
  2. Gracies AC Arribada pola to aclaración. Namás l'apunte de que'l mio apoyu a Inaciu vien tres d'una oración subordinada alverbial condicional.
    Polo demás, deséovos a Inaciu y a l'Arribada les meyores de les suertes que de xuru, camiento, ye bono pa la llingua asturiana.

    ResponderEliminar