24 mar. 2008

Sapos y culiebres

Sapos y culiebres lleo una, dos y tres por cuatro. Sal direuto too dende les entrañes infernales, dende los fedores puercos de lo falso que llastra de contino'l bon xacíu, sal la fechura del engañabobos.


Ehí ta, al llau de los demás que nun faen otro qu'apoltronase. Pa siguir soltando sapos y culiebres que nun lleguen a nenyuri, porque la tierra camuda'l so nome, anantes nun entiendo lo dicho. Y ye un dicir lo mesmo, mesmamente dende min mesmu. El mio país nun esiste, tampoco nun esistiré yo nin los míos. Falaré, entós, dende'l llau invisible de la nada.

1 comentario:

  1. Y falarás dende onde teas, porque pase lo que pase, yá lo dixo Blas de Otero, quédanos la pallabra. ¡Y nun dexaremos que naide nos la quite!

    ResponderEliminar