27 dic. 2007

Cumpliendo

Güei cumple años esti requexu p'amontonar pallabres. A pocos díes d'un añu menos de que nos coma la mierda que tiramos pel mundu, sigo con esti enfotu na llingua.

Les lluces de la ciudá acueyen la vergüenza y el servilismu. Un home diz verdaes en prensa que terminarán como'l papel de regalu, escaecíes pela basura de dalgún contenedor.

Y depués la rutina, l'aborregamientu dende'l capital. Y esti llugarín cumpliendo años.

11 comentarios:

  1. Felicidaes.
    Acabo dame cuenta que pues poner una empresa de diseñu de plantielles de blogs, por que nestos dos años, ente tú y los gyg tuvisteis más plantielles que tolos demás xuntos!!!
    Un saludu y fuercia nesti nuevu entamu.

    ResponderEliminar
  2. Creo que foi Benito Pérez Galdós quien dixo qu'espublizaba obres pa nun tener que correxiles más. Eso ye lo que me pasa (salvando les distancies), que soi un poco inconformista y poques vegaes me paez que ta bien fecho del too lo que faigo, poro acabo siempre remocicando y remocicando. Sicasí, espero nun camudala más y quedame yá con esti diseñu como marca de la casa.
    Polo demás, gracies Trayasgaya ;)

    ResponderEliminar
  3. ¡Felicidaes y norabona, Ricardo!. Siempre presta asomase per esta esfoyaza y sentir los tos axeitaos cantarinos "a la oreya". Que seya por munchos más. Un saludu y munchu ánimu.

    ResponderEliminar
  4. Gracies Xosepin pol to mensaxe. Digo lo mesmo del to blog. Ánimo pa toos y toes, que lu vamos necesitar!

    ResponderEliminar
  5. Naguo por saber cuala sedrá la nueva temática de la esfoyaza. Un saludu y norabona pol cumpleaños.

    ResponderEliminar
  6. Gracies Vity, anque me temo que va ser un tema de gustu minoritariu. Saludos y a siguir cola fueya ;)

    ResponderEliminar
  7. Norabona, yes un veteranu. Nun sé porqué me paez que esta nun va ser la última plantilla...

    ResponderEliminar
  8. Ja ajaja jaa ja jaaja
    Toi dafechu dalcuerdu cola xana ;-)
    paez que te conoz perbién...

    ResponderEliminar
  9. Ai, qué poca fe tienen les xanes nel ser humano... Saludos Chamicu

    ResponderEliminar
  10. De xuru que cualesquier que seya´l tema sobre´l que xire´l "nuevu" blogue prestaranos (y que seya por munchos años). Un saludu y desvélanos ceo´l misteriu.

    ResponderEliminar
  11. Gracies trasgu pol to comentariu, nun sé si vos prestará, porque lo de los gustos ye daqué mui personal. Sicasí, gracies por tar tan pendiente. Ente güei y mañana, diré'l tema. Saludos ;)

    ResponderEliminar