8 feb. 2007

Yo yá lo sabía

Diz Aznar, ex-presidente del gobiernu español que metió daquella a España nuna guerra n'Iraq pa defender los intereses bélicos d'EE.XX. magar qu'una montonera xente español como enxamás salió a la cai dende que tengo usu de razón dicía-y que non, manifestándose per toa España, que lo de les armes de destrucción masiva yera una sida norteamericana pa facer negociu onde sobre too xente civil diba morrer y sufrir, pues resulta qu'agora diz que Todo el mundo pensaba que en Irak había armas de destrucción masiva, ahora sé que no. ¿Y les miles, de xuru que millones, de persones que salieron a la cai?, ¿nun sabíamos yá daquella lo que tu, sinvergüenza, tas diciendo agora?

4 comentarios:

  1. You tamién lo sabía. Ya, faciendo alcordanza, peime que las encuestas falaban d'un 80-90% d'españoles que lo sabíen. Lo d'esti babayu nun sei si yia hipocresía ou que se siente endiosáu. Cada vez que fala, "Paco" sonríe na tumba.

    ResponderEliminar
  2. Gracies por contestar, la verdá qu'esti personaxe políticu nun hai per onde agarralo. Un saludu.

    ResponderEliminar
  3. Yo alcuerdome que concidiérame de tar en Madrid el día que´l mundu enteru manifestóse escontra la guerra. Foi increible, na mio vida viera tanta xente xunta. Mirabes pa tolos llaos y la xente perdíase nel horizonte de les grandes avenies de Madrid. Llastima qu´a los políticos namás que-yos importa´l so beneficiu (muerran los miles de persones qe muerran como cada día en Irak) y non la opinión de la xente, que nesti casu y en munchos otros (como la oficialidá) quedo nidiu cuala ye.
    A min lo que m´esmolez ye como agora Aznar nun se pon nin collaráu al reconocer lo d´Irak dempués de la xente que morrió y ta morriendo (nel programa de Wyoming tolos díes sal Bush diciendo que la guerra finó y dempués sal na pantalla´l númberu de muertos del día. Dende qu´entamó´l programa nun hebo un solu día que nun hubiere muertos anque nos telediarios yá cuasi nun se fale a nun ser que seya una gran masacra)
    Salú.

    ResponderEliminar
  4. Sí, yo tamién m'alcuerdo la manifestación contra la guerra n'Uviéu, había tanta xente que nun cabía peles cais peles que tenía de dir la manifestación y tuviéronse qu'espontáneamente tomar cais paraleles... en fin. Y llueu que salga esti babayu diciendo que «naide» pensaba que nun había armes. Ye un sirvengüenza, una comisión d'especialistes fueron a Iraq en busca d'armes y nun atoparon nada, ¿¿¿en qué se basó pa dicir que taba convencíu de qu'había armes???, ¿¿na palabra estaoxunidense??, en fin, lo que-y dixi a esfarrapando'l mundu, a esti personaxe nun hai per onde agarralu. Y ye d'una impotencia tala, una rabia, cuando ois dicir coses asina, despreciando'l clamor «popular» daquellos díes... Gracies, por contestar, trasgu d'Areces

    ResponderEliminar