21 feb. 2007

El ruxideru

Ye ún de los casos más sangrinos qu'asocedieron enxamás na Asturies d'anguaño. La represión a Carnero y Morala ta entrando na so fase más surrealista y vergoñosa: un xuez sentencia ensin pruebes y basándose namás nos testimonios de xente que nun son coherentes ente ellos o nos testimonios de xente que probadamente faltó a la verdá nos sos xuramentos. Veamos qué dicen güei tres de los periódicos más lleíos n'Asturies.


En La Voz de Asturias lleemos hasta tres anuncies sobre'l tema: CCOO: "El fallo de Morala y Carnero origina un peligroso precedente, La proyeccion de la prueba y Bloque por Asturias ve el proceso «propio de un sistema autoritario».


En La Nueva España atopamos güei estes dos noticies sobre'l casu del que falo: CC OO valora como un peligroso precedente el fallo contra Carnero y Morala y Que suenen alarmas.


Y p'acabar, n'El Comercio atopamos Hipocresía, carnaval y otra perlas, El Bloque por Asturies no se aliará con las fuerzas «cómplices» de la sentencia, El Poder Judicial recuerda a Valledor que el Código Penal lo aprueba el Parlamento y que debe «respetar su criterio» y Carnero y Morala denuncian la postura «oportunista» de IU.


Tol mio apoyu a estos sindicalistes. Oxalá nun dexen de salir na prensa, sobre too agora que s'acerquen les elleiciones, hemos de facer d'esto un ruxideru que nun dexe de llamar l'atención de la ciudadanía, pa que sepa qué sinvergüences tiene apoltronaos. Toos y toes somos Morala y Carnero.

2 comentarios:

  1. El ruiu namás sirve agora pa que vengan Valledor y compaña a esbabayar sobre'l códigu penal. Qué pasó hasta agora? Qué fizo Churruca? Onde taben CCOO y UGT? Si por toos ellos fuera, cuantayá que hubieren pesllao Naval Gijon? Pa esa 'izquierda plural' la única llucha sindical válida ye la del SOMA, la de la estroza pola prexubilación, non la de lluchar pol puestu trabayu. Perres abondo pa caltener contenta a una masa de votantes: si. Actuación decidida de l'alministración pública pa depurar responsabilidaes empresariales d'intereses bastardos que torguen el bon desenvolvimientu d'una industria viable, non. ¿Por qué n'Italia o Alemaña los astilleros son rentables tres d'una reconversión de les sos estratexes comerciales (non de les plantilles de trabayadores) y equí non? A la mierda. ¿Barcos en xixón? sí, de lladrillu.

    ResponderEliminar
  2. D'acuerdu dafechu, compañeru.

    ResponderEliminar