15 dic. 2006

Entrugues que definen a ún

¿Qué piensa usté de la pornografía?, ¿consume usté?, ¿y de les prostitutes?, ¿qué piensa de llegalizar la práutica de la prostitución?, ¿y de llegalizar el consumu de dalgunes drogues como la marihuana?, ¿qué piensa usté de los homosexuales?, ¿y de que se puean casar?, ¿y de que puean adoptar fíos?, ¿prautica usté dalguna relixón?, ¿cree usté en dalgún dios?, ¿qué piensa usté de les relixones?, ¿qué rellación habría tener l'estáu coles relixones?, ¿cree que debería inculcase la enseñanza relixosa na educación pública?, ¿y qué relixón?, ¿qué opinión-y merez la monarquía española?, ¿qué opina de la república?, ¿qué sabe usté de la historia d'Asturies?, ¿fadría oficial la llingua asturiana?, ¿prestaría-y que los sos fíos deprendieran asturianu?, ¿qué sabe usté de la historia de la llingua asturiana?, ¿qué piensa de la reconversión industrial n'Asturies?, ¿ta Asturies bien gobernada?, ¿conoz dalgún llugar n'Asturies onde haya especulación urbanística?, ¿cree usté qu'Asturies ye rexón o nacionalidá?, ¿qué opinión-y merez el nacionalismu «periféricu»?, ¿y el centralismu estatal?, ¿qué opinión-y merecen los sindicatos?, ¿cuántos conoz?, ¿qué piensa de la inmigración?, ¿y les pateres?, ¿qué ye pa usté la globalización?, ¿ta d'acuerdu?, ¿qué ye'l capitalismu?, ¿qué opina del mercáu económicu européu?, ¿qué piensa de la dómina de Franco?, ¿qué opinión-y merez Franco?, ¿qué opina de los EE.XX. y de la so política?, ¿qué partíos políticos enxamás votaría?, ¿qué piensa de les corrides de toros?, ¿y de l'ablación del clítoris?, ¿sabe qué ye una «esfoyaza» y un «filandón»?, ¿tien dalgún problema pa contestar a dalguna d'estes entrugues?

2 comentarios:

  1. esfarrapando'l mundu15/12/06 15:35

    ¿qué opina usté de los blogs? ¿ya de la wikipedia? Iba contestate a toas las preguntas, pero esto iba facese eternu. ¡¡¡Un saludu vecín!!!

    ResponderEliminar
  2. Gracies collaciu por contestar. Yo creo que los blogs pueden ser una ferramienta útil pa combatir el cuasi monopoliu de la información qu'hai nos medios de comunicación ordinarios. En cuantes a la wikipedia paezme bien, ye una manera como otra cualquier de compartir la información y depender con/de los demás. Gracies por contestar, collaciu!!! un saludu ;)

    ResponderEliminar