21 nov. 2006

Poles llibertaes y la xusticia

Nun quiero dexar d'encamentar a tol mundu que vaya'l próximu miércoles, a les 19.30 hores de la tarde, na plaza del Humedal de Xixón, a una manifestación pa defender les llibertaes y los drechos de la clas trabayadora, esto ye, manifestase pola represión que'l gobiernu de la FSA xunto con IX del Ayuntamientu de Xixón quier llevar p'alantre a Carnero y Morala. Vémonos toos ellí.


Pa entender un poquiñín meyor esta manifestación, encaméntovos tamién lleer esti interesante artículu d'opinión espublizáu güei llunes en La Nueva España por Manuel Sánchez Terán, tituláu «Con Cándido y Morala, contra la represión y por las libertades». Que nun-yos salga de baldre zarrar la industria y acabar con puestos de trabayu.

2 comentarios:

  1. esfarrapando\'l mundu22/11/06 12:17

    por problemas personales nun vou poder ir esta tarde, cuento col tou comentariu pa ver qué tal foi (más que nada porque nos periodistas nun tengo enfotu)

    ResponderEliminar
  2. Gracies por collaborar. La manifestación foi un ésitu. Muncha xente, más de la que yo pensaba. Pancartes de munchos coleutivos, sobre too rellaciones cola izquierda política, como comunistes ya independentistes (había un bon garrapiellu d'ellos con banderes de la Cataluña independiente), CSI,... Cuando llevábemos una media hora o más de manifestación y recorríu, per cais transversales veíamos la plaza l'Humedal (d'onde partía la manifestación) y veíamos a xente entovía que taba ehí siendo la cola la manifestación. Como digo, mucha xente, eso ye obvio, unes 15.000 persones barrunto, lo mesmo que los organizadores. O polo menos, eso paecía.
    Al final lleóse un manifiestu na plaza la catedral, siguíu pola plaza enllena xente que cuasi nun cabía ehí. Lleólu creo qu'un representante de CSI acompañáu de Morala y Carnero. Denunció lo que toos sabemos, que'l gobiernu somorguióse nel capitalismu y nun mira poles persones nin polos trabayadores. Foi un ésitu. Nun hai dulda, teniendo en cuenta lo que ye güei en día una convocatoria ensin sofitu alministrativu nin de los medios de comunicación.
    Lo dicho, gracies collaciu.

    ResponderEliminar